კორონავირუსს ექიმი ემსხვერპლა
ბოლო 24 საათში, საქართველოში COVID-19-ით 81 ადამიანი გარდაიცვალა. ფერმერთა ასოციაციის ხელმძღვანელის, ნინო ზამბახიძის ინფორმაციით, გარდაცვლილთა შორის მისი ექიმი ექიმი ირინა მიმინოშვილიც არის.
"დღეს 81 ადამიანი წაგვართვა კოვიდმა მათ შორის ჩემი უსაყვარლესი ექიმი ირინა მიმინოშვილი. რა ვთქვა არ ვიცი ", - წერს ზამბახიზე ფეისბუქზე.
ბოლო 24 საათის განმავლობაში, საქართველოში კორონავირუსის 3 700 ახალი შემთხვევა გამოვლინდა, 5 277 ადამიანი გამოჯანმრთელდა, ხოლო კორონავირუსით 81 პაციენტი გარდაიცვალა.
