პასუხისმგებლობა ეკისრება მიხეილ სააკაშვილს - დიმიტრი ხუნდაძე
პასუხისმგებლობა ეკისრება ყველას, ვინც ამ პროცესს უწყობს ხელს და რა თქმა უნდა თვითონ მიხეილ სააკაშვილს, - ამის შესახებ პარლამენტის ჯანდაცვის კომიტეტის თავმჯდომარემ, დიმიტრი ხუნდაძემ განაცხადა.
"პასუხისმგებლობა ეკისრება ყველას, ვინც ამ პროცესს უწყობს ხელს და რა თქმა უნდა თვითონ მიხეილ სააკაშვილს, რომელიც ქმნის აურზაურს და რომელმაც მთელი ქვეყანა დაძაბა მისი ამ აბსოლუტურად უსაფუძვლო გადაწყვეტილების გამო", - აცხადებს დიმიტრი ხუნდაძე.
ცნობისთვის, საქართველოს მესამე პრეზიდენტმა, მიხეილ სააკაშვილმა, რომელიც პირველი ოქტომბრის შემდეგ შიმშილობს, გონება ცოტა ხნის წინ დაკარგა. სპეციალური პენიტენციური სამსახურის ინფორმაციით, ექსპრეზიდენტის ჯანმრთელობის მდგომარეობა დასტაბილურდა.
