ორიენტირებული ვართ არა „ნაციონალური მოძრაობის“ დღის წესრიგზე, არამედ მოქალაქეების ინტერესებზე - ანრი ოხანაშვილი
პარლამენტის იურიდიულ საკითხთა კომიტეტის თავმჯდომარის, ანრი ოხანაშვილის განცხადებით, საქართველო დიდი ხანია, მიხეილ სააკაშვილის დღის წესრიგით აღარ ცხოვრობს.
"ხელისუფლება ვერ და არ იქნება იმ დღის წესრიგზე ორიენტირებული, რასაც „ნაციონალური მოძრაობა“ ცდილობს, რომ მმართველ გუნდს შესთავაზოს. ორიენტირებული ვართ არა „ნაციონალების“ დღის წესრიგზე, არამედ მოქალაქეების ინტერესებზე", - განაცხადა ოხანაშვილმა.
