არ ვარ კმაყოფილი იმით, რომ "ვარდების რევოლუციის" გმირი გისოსების უკან წევს - გიული ალასანია
მიხეილ სააკაშვილის დედამ, გიული ალასანიამ, გორის ჰოსპიტალში შვილი მოინახულა. მისი თქმით მესამე პრეზიდენტის მდგომარეობა გაუმჯობესებულია.
"მდგომარეობა ბევრად უკეთესია, მაგრამ არის სუსტად, უჭირს სიარული, კუნთების პრობლემა აქვს. რეაბილიტაციას დასჭირდება საკმაოდ დრო, ექიმები და პერსონალი ძალიან მომეწონა და კმაყოფილი ვარ. საერთოდ არ ვარ კმაყოფილი იმით, რომ "ვარდების რევოლუციის" გმირი რომ გისოსების უკან წევს და ფანჯარას აქვს გისოსები, არ მომწონს, ვერ ვიქნები კმაყოფილი. სარკმელზე არის გისოსები, რაც, რა თქმა უნდა, დამთრგუნველია", - ამბობს გიული ალასანია.
