"ფოტოგრაფი, რომელიც უკანონოდ და ცრუ ბრალდებით დაიჭირა სააკაშვილმა დღეს სააკაშვილის სასამართლოს იღებს" - გიორგი აბდალაძე
ფოტოგრაფი, გიორგი აბდალაძე საქართველოს მესამე პრეზიდენტის, მიხეილ სააკაშვილის სასამართლო პროცესს სოციალურ ქსელში ეხმაურება.
ე.წ. ფოტოგრაფების საქმის ერთ-ერთი ფიგურანტი, საზოგადოებრივი მაუწყებლის ფოტოგრაფის, ირაკლი გედენიძის მიერ სასამართლო პროცესზე გადაღებულ ფოტოს აქვეყნებს.
"ისტორიული კადრი ფოტოგრაფი, რომელიც უკანონოდ და ცრუ ბრალდებით დაიჭირა სააკაშვილმა დღეს სააკაშვილის სასამართლოს იღებს. ირაკლი გედენიძის ფოტო", - წერს აბდალაძე.
შეგახსენებთ, 2011 წლის 7 ივლისს, შინაგან საქმეთა სამინისტროს თანამშრომლებმა ჯაშუშობის ბრალდებით დააკავა რამდენიმე პირი. 2018 წლის 22 ნოემბერს სააპელაციო სასამართლომ ჯაშუშობის ბრალდებით გასამართლებული ფოტოგრაფები გიორგი აბდალაძე, ზურაბ ქურციკიძე, ნათია და ირაკლი გედენიძეები გაამართლა.
