„სადაც სადაოა, იქ ედავეთ. რაც ამ გაფლანგვაზე ვნახე, არცერთი არაა არგუმენტი“ – არჩილ გამზარდია
ანალიტიკოსი, არჩილ გამზარდია მიხეილ სააკაშვილის სასამართლო პროცეს ეხმიანება და ამბობს, რომ პროკურატურის ბრალდებები არადამაჯერებელია და ყოფილი პრეზიდენტის წინაღმდეგ არგუმენტად ვერ ივარგებს.
"მოკლედ, როგორც გინდათ, ისე გაიგეთ, მაგრამ სახელმწიფოს მეთაური, ვინც გინდა იყოს, კიდეც უნდა ეცვას შესაფერისად, კიდეც უნდა იღებდეს შესაბამის მომსახურებას სტილისტი იქნება, მასაჟისტი თუ სხვა, თუ ის შესაბამისად უწევს მეთაურობას სახელმწიფოს.
სადაც სადაოა, იქ ედავეთ.
რაც ამ გაფლანგვაზე ვნახე, არცერთი არაა არგუმენტი.
რაც შეეხება შვილის სწავლის დაფინანსებას, შვილობის გამო არც პრივილეგია ეკუთვნის ვინმეს და არც დისკრიმინაცია. თუ ახალგაზრდა იმ პარამეტრებს აკმაყოფილებს, რაც საჭირო იყო დასაფინანსებლად, რა პრობლემაა რომ დაფინანსებულიყო? და ედუარდ სააკაშვილი, კი, ვფიქრობ, სავსებით დააკმაყოფილებდა მოთხოვნის კრიტერიუმებს.
პირადად, ჩემთვის, გაფლანგვის მუხლი მხოლოდ რიტორიკაა და არაფერი ფასი არ აქვს. დეტალებზე ყოველთვის შეილება დავა, მაგრამ იმ დროს, როდესაც ეს წლები ისეთ გაფლანგვებს აქვს ადგილი, საკმარისი ნულების მოძიება რომ ჭირს, უბრალოდ, აბსურდულია ჩემთვის სააკაშვილისადმი გაფლანგვის ბრალდება", - წერს გამზარდია.
