ყალბი ვაქცინირების დამადასტურებელი დოკუმენტის დამზადება-გასაღების ფაქტზე დაკავებულ ექიმებს ბრალი წაუყენეს
ყალბი ვაქცინირების დამადსტურებელი დოკუმენტის დამზადება-გასაღების ფაქტზე დაკავებულ ექიმებს ბრალი წაუყენეს.
#4 სამედიცინო ცენტრის დირექტორისა და ამავე ცენტრის ექიმის მიმართ სასამართლო აღკვეთის ღონისძიების შეფარდებაზე სავარაუდოდ, ხვალ იმსჯელებს.
დაკავებული ექიმები კომენტარს არ აკეთებენ.
სუს-ის ინფორმაციით, ბრალდებულებმა კონკრეტული თანხის სანაცვლოდ, დაამზადეს მოქალაქის კოვიდსაწინააღმდეგო „ფაიზერის“ ვაქცინით აცრის დამადასტურებელი ყალბი დოკუმენტი, რის შედეგადაც მოქალაქე, რომელსაც არ ჰქონდა გავლილი შესაბამისი იმუნიზაცია, აღირიცხა აცრილად.
გამოძიება საქართველოს სისხლის სამართლის კოდექსის 221-ე მუხლის მე-4 ნაწილით(კომერციული მოსყიდვა ჯგუფურად) და 362-ე მუხლის პირველი ნაწილით(ყალბი დოკუმენტის დამზადება ან გამოყენება) მიმდინარეობს.
