"სამწუხარო ამბავი, რაც ამ ახალ შტამზე ისმის, უკავშირდება რეინფექციის რისკებს" - ნანა გეგეჭკორი
აშშ-ში მცხოვრები ქართველი ექიმი, ნანა გეგეჭკორი კორონავირუსის ახალ შტამ "ომიკრონთან" დაკავშირებით, სოციალურ ქსელში წერს:
"ომრიკონზე ყოველდღიურად ახალი ცოდნა გროვდება.
პირველადი მონაცემებით დაავადების მძიმე მიმდინარეობით არ გამოირჩევა.
ჯერ-ჯერობით სამწუხარო ამბავი, რაც ამ ახალ შტამზე ისმის, უკავშირდება რეინფექციის რისკებს.
კოვიდ გადატანილებში დაინფიცირების ალბათობა, როგორც პირველადი მონაცემებიდან ირკვევა, არის საკმაოდ მაღალი.
თავს გაუფრთხილდით", - წერს გეგეჭკორი.
ცნობისთვის, "ომიკრონი" მსოფლიო ჯანდაცვის ორგანიზაციამ, საშიშ შტამთა სიაში შეიყვანა.
