ნეაპოლში დაკარგული სალომე ტეტუნაშვილი ცოცხალი იპოვეს
ExclusiveTV.ge-სთვის ექსკლუზიურად ხდება ცნობილი, რომ 22 იანვარს დაკარგული 27 წლის სალომე ტეტუნაშვილი ცოცხალია.
ჩვენი ინფორმაციით, გოგონა ცოცხალია და ის ნეაპოლის ერთ-ერთ საავადმყოფოში იმყოფება.
მას შემდეგ, რაც სოციალურ ქსელში რამდენიმე ქართველის მიერ იტალიურ ენაზე გავრცელდა ინფორმაცია. ნეაპოლში მცხოვრებ ქართველ მედიატორს, მაკა ხაჩოშვილს, რომელიც აქტიურად თანამშრომლობს ExclusiveTV-თან, მილანიდან დაუკავშირდა იტალიელი მეგობარი და მიაწოდა ინფორმაცია, რომ მისმა მეგობარმა, რომელიც ნეაპოლის ერთ-ერთ ფსიქიატრიულ კლინიკაში მუშაობს, ფოტოზე სალომე ტეტუნაშვილი ამოიცნო.
მაკა ხაჩოშვილი მოგვიანებით, თავად დაუკავშირდა ამ პიროვნებას, რომელმაც მას ქართველი გოგონა დაალაპარაკა.
როგორც მაკა გვეუბნება, გოგონა არეულად საუბრობდა, მაგრამ დადასტურდა, რომ სალომე ტეტუნაშვილია.
მისი ინფორმაციით, ამ დროისთვის ცდილობენ სალომე ტეტუნაშვილის ოჯახთან დაკავშირებას.
წყარო
