რუსეთმა სერიოზული გამოწვევის წინაშე დააყენა არა მხოლოდ უკრაინა, არამედ მთელი დასავლეთი, მათ შორის ნატოც. ვადევნებთ თვალს, გვაინტერესებს დასავლელი პარტნიორების რეაქცია - პრემიერი
ვადევნებთ თვალს, გვაინტერესებს დასავლელი პარტნიორების რეაქცია. ფაქტია, რომ რუსეთის ხელისუფლებამ სერიოზული გამოწვევის წინაშე დააყენა არა მხოლოდ უკრაინა, არამედ მთელი დასავლეთი, მათ შორის ნატოც, - განაცხადა "რუსთავი2"-ის ეთერში საქართველოს პრემიერ-მინისტრმა, ირაკლი ღარიბაშვილმა.
"რაც მოხდა არის აბსოლუტურად მიუღებელი, უკრაინის ტერიტორიების აღიარება დამოუკიდბელ სუბიექტებად რუსეთის მიერ არის მიუღებელი და ეწინააღმდეგება საერთაშორისო სამართალს. ვადევნებთ თვალს, გვაინტერესებს დასავლელი პარტნიორების რეაქცია. ფაქტია, რომ რუსეთის ხელისუფლებამ სერიოზული გამოწვევის წინაშე დააყენა არა მხოლოდ უკრაინა, არამედ მთელი დასავლეთი, მათ შორის ნატოც და ეს არის სერიოზული ტესტი დასავლელი პარტნიორებისთვის,"- აღნიშნა პრემიერმა.
შეგახსენებთ, რომ რუსეთმა უკრაინის ტერიტორიები - დონეცკისა და ლუგანსკის ე.წ. სახალხო რესპუბლიკების დამოუკიდებლობა აღიარა და თავისი ჯარი შეიყვანა.
