„საქართველოს ფოსტა" ფიზიკური პირებისგან მიღებულ ჰუმანიტარული დანიშნულების ამანათებს უკრაინის მიმართულებით უსასყიდლოდ გააგზავნის
ეკონომიკისა და მდგრადი განვითარების მინისტრის მოადგილის, გურამ გურამიშვილის განაცხადებით, შპს „საქართველოს ფოსტა,“ უკრაინელი ხალხისთვის თანადგომის გამოხატვის მიზნით, ფიზიკური პირებისგან მიღებულ ჰუმანიტარული დანიშნულების ამანათებს უკრაინის მიმართულებით უსასყიდლოდ გააგზავნის.
მისი თქმით, ეკონომიკის სამინისტრო, საქართველოს პრემიერ-მინისტრის გადაწყვეტილებით, აგრძელებს უკრაინისა და მისი მოქალაქეებისთვის ჰუმანიტარული დახმარების აღმოჩენას და „საქართველოს ფოსტის" მეშვეობით ამანათების უსასყიდლოდ გაგზავნაც ამ დახმარების ფარგლებში ხორციელდება.
