ოპოზიცია პირდაპირ უპირისპირდება პრემიერს და ამას აკეთებენ უბინძურესი კამპანიური მეთოდებით - ირაკლი კობახიძე
პარტია "ქართული ოცნების" თავმჯდომარე, ირაკლი კობახიძე ოპოზიციას ხელისუფლებაზე ღია თავდასხმაში ადანაშაულებს.
"მაშინ, როდესაც ყველა უნდა იყოს ერთიანი და ყველა უნდა იდგეს ერთად. ბუნებრივია, ოპოზიციასაც უნდა ჰქონდეს შესაბამისი როლი, მაგრამ ოპოზიცია ამას არ იაზრებს და ისინი მიდიან ამ სასურველი ერთიანობის წინააღმდეგ, ისინი პირდაპირ უპირისპირდებიან ხელისუფლებას, პრემიერს და ამას აკეთებენ უბინძურესი კამპანიური მეთოდებით. რასაც სჭირდება პასუხი, მათ შორის დღესაც გაეცა ამ ბინძურ კამპანიას ჩვენი მხრიდან პასუხი," - აცხადებს კობახიძე.
