"გთხოვთ დახმარებას, რადგან დადგა დრო, როდესაც მხოლოდ ლოცვა არ არის საკმარისი" - უკრაინელი ჯარისკაცი რომის პაპს წერილს უგზავნის
აზოვის 36-ე ცალკეული საზღვაო ბრიგადის მეთაურმა, მაიორმა სერგეი ვოლინამ წერილი მისწერა რომის პაპ ფრანცისკეს და სთხოვა დაეხმარება მარიუპოლიდან ხალხის გამოყვანაში.
„თქვენო უწმინდესობავ, პაპ ფრანცისკე!
ალბათ ბევრი გინახავთ ცხოვრებაში, მაგრამ დარწმუნებული ვარ, არასდროს გინახავთ ის, რაც ხდება მარიუპოლში, იმიტომ რომ ასე გამოიყურება ჯოჯოხეთი დედამიწაზე.
ცოტა დრო მაქვს იმ საშინელებების აღსაწერად, რასაც აქ ყოველდღე ვხედავ. ქალები ბავშვებთან და ჩვილებთან ერთად ქარხანაში, ბუნკერებში ცხოვრობენ - შიმშილში და სიცივეში. ყოველდღე მტრის თვითმფრინავების სამიზნის ქვეშ. ყოველდღე იღუპებიან დაჭრილები, რადგან არ არის წამალი, წყალი, საკვები.
მე მოგმართავთ და გთხოვთ დახმარებას, რადგან დადგა დრო, როდესაც მხოლოდ ლოცვა არ არის საკმარისი", - ნათქვამია წერილში.
