ომი არ იქნება - სოზარ სუბარი
პარლამენტის რეგიონული პოლიტიკისა და თვითმმართველობის კომიტეტის თავმჯდომარის, სოზარ სუბარიის თქმით, "ნაციონალურ მოძრაობას" ქვეყნის ომში ჩართვა უნდოდა.
"ვხედავთ, რომ ოპოზიცია ცდილობს სააკაშვილი როგორმე გაათავისუფლონ ციხიდან და როგორმე გამოიწვიონ ქვეყანაში არეულობა. ამის ერთადერთი მიზეზი არის მეორე ფრონტის გახსნა, რომ რაც ხდებოდა ბუჩაში, ხდებოდა ირპენში და რაც ახლა ხდება მარიუპოლში, როგორმე გადმოვიდეს საქართველოში. ჩვენ ეს ყველაფერი გამოცდილი გვაქვს საქართველოში. ომი არ იქნება, იმიტომ, რომ საქართველოს ჰყავს ხელისუფლება, რომელიც ამას არ დაუშვებს. რაც შეეხება მიხეილ სააკაშვილს, მისი გათავისუფლების იმედი აბსოლუტურად ტყუილია, ეს არ მოხდება. თუკი მას მკურნალობა დასჭირდება, უმკურნალებენ", - აცხადებს სუბარი.
