"ყველა დაისჯება, ვინც სააკაშვილის წამებაში და არაადამიანურ მოპყრობაში მიიღეს მონაწილეობა" - გიული ალასანია
საქართველოს მესამე პრეზიდენტის მიხეილ სააკაშვილის დედამ, გიული ალასანიამ განაცხადა, რომ ადამიანები, რომლებმაც სააკაშვილის წამებაში და არაადამიანურ მოპყრობაში მიიღეს მონაწილეობა, დაისჯებიან.
"შეხვედრების დროს ხშირად ისმოდა „მაგნიტსკის სია“ ამ ადამიანებისგან. ისინი ყველა ერთსულოვანი იყვნენ, უნდა შედგეს ასეთი სია და უნდა დაისაჯონ სათანადოდ ადამიანები, რომლებმაც ამ წამებაში და არაადამიანურ მოპყრობაში მიიღეს მონაწილეობა. ჩემს შვილს იცნობდა ყველა. ყველას ჰქონდა ინფორმაცია მისი ჯანმრთელობის შესახებ, რომ ის ციხეშია და იყვნენ ძალიან გაკვირვებულები, ძალიან აღშფოთებულები. მათი მოქმედებები არის საკმაოდ აქტიური“, - აცხადებს გიული ალასანია.
