"პუტინის წარმომადგენელს რა ჰქვია - შიო..." - გიგა ბოკერია მეუფე შიოზე
"ევროპული საქართველოს" ლიდერმა, გიგა ბოკერიამ ტელეკომპანია "ფორმულას“ ეთერში მეუფე შიოს პუტინის წარმომადგენელი უწოდა.
"ამ პოლიტიკურ გუნდში ეს იყო დისკუსიის ნაწილი. ოჯახიდანაც შეცდომაა, თუ იძახი, რომ ეს არის პუტინის პატიმარი. სხვათა შორის, მე ამ ტერმინოლოგიას არ ვხმარობ. მე ვთვლი, რომ ეს არის პუტინისტური რეჟიმი და მისი პოლიტიკური პატიმარი. მაგრამ, მით უმეტეს, თუ ამ ტერმინოლოგიას ხმარობ ხო, მის წარმომადგენელს - რა ჰქვია შიო. მათ წარმომადგენლებს უნდა ვთხოვოთ? ეს ხომ აზრის მოკლებულია - იგივეა რომ პუტინს ვთხოვოთ, რომ გამოუშვი შენი პატიმარი“, - განაცხადა გიგა ბოკერიამ.
