"არა მგონია, რაც გვარამიამ ჩვენ გვლანძღა, ლოგიკაში არ ჯდება“ - ანდრია ჯაღმაიძე გვარამიას შეწყალებაზე
საქართველოს საპატრიარქოს საზოგადოებასთან ურთიერთობის სამსახურის ხელმძღვანელს, ანდრია ჯაღმაიძეს ჟყნალისტმა ჰკითხა, აპირებს თუ არა საპატრიარქო, მიმართოს პრეზიდენტ სალომე ზურაბიშვილს ნიკა გვარამიას შეწყალებასთან დაკავშირებით, რაზეც მან უპასუხა:
"არა მგონია, რაც გვარამიამ ჩვენ გვლანძღა, ლოგიკაში არ ჯდება“, - განაცხადა ჯაღმაიძემ.
შეგახსენებთ, „მთავარი არხის“ გენერალურ დირექტორს ნიკა გვარამიას გუშინ, 16 მაისს, 3 წელი და 6 თვე მიესაჯა. მას ბრალად ედება წინასწარი შეთანხმებით ჯგუფის მიერ, დიდი ოდენობით „რუსთავი 2“-ის კუთვნილი ქონებრივი უფლების გაფლანგვა, კომერციული მოსყიდვა და ყალბი ოფიციალური დოკუმენტის დამზადება, უკანონო შემოსავლის ლეგალიზაცია. ნიკა გვარამიას ასევე ბრალი ედება სამსახურეობრივი უფლებამოსილების ბოროტად გამოყენებაში.
