"ბავშვები შოკში არიან... სოფოს დედა საავადმყოფოში გადაიყვანეს" - ახალი დეტალები ავტობუსში მოკლული ქალის ტრაგედიაზე
21 მაისს თბილისში, 31 წლის სოფო კვარაცხელია მეუღლემ საზოგადოებრივ ტრანსპორტში ცივი იარაღით მოკლა. ქალის ცხედარი ექსპერტიზის დასრულების შემდეგ, ზუგდიდში მამისეულ სახლში გადაასვენეს.
მკვლელობის დროს ავტობუსში სოფო კვარაცხელიას და სალომე კვარაცხელია, შვილთან ერთად და ასევე გარდაცვლილი ქალის ორი შვილიც იმყოფებოდა.
„სოფოს და, სალომე და დედა, ხათუნა ნაჭყებია იმყოფებოდნენ თბილისში, ექიმთან წაუყვანიათ სალომეს შვილი. სალომე შეესწრო ფაქტს, წამებში მომხდარა. ბავშვები შოკში არიან. სოფოს დედამ არ იცის, რომ მისი შვილი მკვდარია, იცის რომ დაჭრილია.
ინფარქტით საავადმყოფოში გადაიყვანეს, მძიმედაა...საშინელება ტრიალებს ჩვენს ქუჩაზე. ამას ვინ იფიქრებდა, სოფო ისეთი ჭკვიანი, განათლებული, შვილების გიჟი დედა იყო“,- აცხადებს კვარაცხელიების მეზობელი "პრაიმ-ტაიმთან".
