წულუკიანის მიერ გათავისუფლებული თანამშრომლები ეროვნულ მუზეუმთან საპროტესტო აქციას მართავენ
კულტურის მინისტრის, თეა წულუკიანის მიერ ეროვნული მუზეუმიდან გათავისუფლებული პირები შენობასთან აქციას მართავენ.
დღეს ცნობილი გახდა, რომ კულტურის მინისტრმა ეროვნული მუზუმიდან კიდევ 21 თანამშრომელი გაათავისუფლა. ბრძანება მინისტრის გადაწყვეტილების შესახებ თანამშრომლებს გუშინ მიუვიდათ. ოფიციალური მიზეზით მეცნიერებს კომპეტენცია დაუწუნეს, თუმცა, მათი თქმით, რეალურად, წულუკიანმა ისინი პოლიტიკური შეხედულებების გამო დასაჯა.