"უკრაინაში ჩამოსული ქართველის ოცნებაა აქ გამარჯვების შემდეგ საქართველოს ტერიტორიული მთლიანობა აღდგეს" - ლადო გამსახურდია
უკრაინაში დაღუპული კიდევ ერთი ქართველი მებრძოლის გიორგი გრიგოლიას გარდაცვალებას უკრაინაში მყოფი მებრძოლი, ლადო გამსახურდია ეხმაურება და წერს:
"უკრაინაში ჩამოსული ქართველის ოცნებაა აქ გამარჯვების შემდეგ საქართველოს ტერიტორიული მთლიანობა აღდგეს, სხვაგვარად აქ დაღვრილ სისხლს ის ფასი არ ექნება რაც ჩვენ გვსურს.
ამ ოცნების ახდენა სისხლი, ცრემლები, აფეთქებებისა და ოხვრა-გოდების გარეშე სამწუხაროდ ვერ მოხერხდება, რადგან ისევ და ისევ რუსეთი არ დაუშვებს აფხაზებთან და ოსებთან ურთიერთობების მშვიდობიანი გზით დალაგებას.
ვემზადოთ ომისთვის, ვემზადოთ სისხლისთვის, ვემზადოთ გოდებისთვის!
კიდევ ბევრი დედა ჩაიცმევს შავებს მომდევნო სასტიკ ომებში, ყველა მხარეს...
თუ ვერ გავაჩერეთ მსოფლიოში ყველაზე ბოროტი ადამიანი ვლადიმერ პუტინი!
კიდევ ერთი ქართველი გიორგი გრიგოლია გმირულად დაეცა უკრაინის ფრონტზე!
დიდება გმირებს!", - წერს გამსახურდია.
