"დანებება გამოსავალი არ არის...ბრძოლას დრო სჭირდება და მე ვიწყებ" - გიორგი კეკელიძე პირველ მიმართვას ავრცელებს
მწერალი, გიორგი კეკელიძე, რომელსაც სუიციდის მცდელობა ჰქონდა, შემთხვევის შემდეგ პირველ მიმართვას ავრცელებს და წერს, რომ დეპრესიის წინააღმდეგ ბრძოლას გააგრძელებს და აუცილებლად გაიმარჯვებს.
"ძალიან დიდი მადლობა თითოეულ თქვენგანს ამხელა სიყვარულისთვის და თანადგომისთვის.
დეპრესია და შფოთვები ვერაგია, მაგრამ აუცილებლად უნდა გავიმარჯვოთ. დანებება გამოსავალი არ არის - უხეში წერტილია სიცოცხლის, ამ უცნაური და ზოგჯერ დამაბნეველი წინადადების. ბრძოლას დრო სჭირდება და მე ვიწყებ. უსათუოდ დაგიბრუნდებით", - წერს გიორგი კეკელიძე.
