თეგებით ძიება

სოლიკო ვირსალაძის ფული არის არა რუსული ფული, არამედ საქართველოსთვის საამაყო ფულია - ელენე ხოშტარია

"დროას“ ლიდერმა, ელენე ხოშტარიამ განაცხადა, რომ "სოლიკო ვირსალაძის ფული არის არა რუსული ფული, არამედ საქართველოსთვის საამაყო ფულია".

მისი თქმით, 30 წლის წინ გარდაცვლილი სოლიკო ვირსალაძე დღეს არ დარბის რუსეთში, განსხვავებით სხვა, რუსეთთან დაახლოებული ხელოვანებისგან.

"მას შემდეგ რაც მე დავიწყე სანქცირებაზე კონკრეტული ადამიანების საქმეების გამოძიება და ლაპარაკი გასაკვირი არ არის, რომ როგორც სხვა დროს, ან ჩემს სწავლასთან დაკავშირებული, ან ჩემი ოჯახის რაღაცა ამოღებული არც ვიცი როგორი ინფორმაციის მიხედვით იწყება შავი პიარი ჩემს მიმართ, აბსოლუტურად ტყუილზე დაფუძნებული. მე გავაკეთე განცხადება, კიდევ გავაკეთებ განცხადებას, რომ სოლიკო ვირსალაძის, ქართველი საამაყო სცენოგრაფის შექმნილი, 30 წლის წინ გარდაიცვალა სოლიკო ვირსალაძე, ის დღეს არ დარბის რუსეთში, განსხვავებით სხვა ასე ვთქვათ რუსეთთან დაახლოებული ხელოვნების პირებისგან და კატეგორიულად მიუღებელი არის ომის პირობებში ამის გაკეთება. ის 40-იან წლებში, როდესაც მისი ოჯახი იყო რეპრესირებული, 40-იანი წლებიდან სუხიშვილების კოსტიუმებთან ერთად მან შექმნა მსოფლიოსთვის ძალიან დასაფასებელი ნამუშევრები, რომლებიც დღემდე პარიზის, ნიუ იორკის, ამერიკის, იაპონიის, ესპანეთის და სხვადასხვა სცენებზე იდგმება. სოლიკო ვირსალაძის ფული არის არა რუსული ფული, არამედ საქართველოსთვის საამაყო ფული და ამ სოლიკო ვირსალაძის მემკვიდრე არის მამაჩემი და ლევან აბაშიძის დედა მანანა ხიდაშელი. ამიტომ, ეს არ არის რუსეთის ფული, ეს არის ტყუილი“, - განაცხადა ხოშტარიამ.


თეგები


რეკომენდირებულია თქვენთვის

ყველა

აღმოაჩინეთ მეტი Tia-დან

ყველა