გლობალურად ეპიდემიოლოგიური სიტუაცია გაუარესებულია - რას ამბობს ალექსანდრე გოგინავა?
ინფექციონისტმა, ალექსანდრე გოგინავამ განაცხადა, რომ გლობალურად ეპიდემიოლოგიური სიტუაცია გაუარესებულია და მოსახლეობას რეკომენდაციის დაცვისკენ მოუწოდა.
"გლობალურად ეპიდემიოლოგიური სიტუაცია გაუარესებულია, რაც ძირითადად დაკავშირებულია „ომიკრონის“ ახალ ქვეშტამებთან ეს არის - BA.5 და BA.4. შესაბამისად, ჩვენ ქვეყანაში ახალი დადასტურებული შემთხვევების რაოდენობამ მოიმატა. ეს ძირითადად გამოწვეულია იმით, რომ ამ შტამებისთვის დამახასიათებელია სწრაფი გავრცელება.
ვიცით, ჩვენთან მოხსნილია თითქმის ყველა რეგულაცია. ასევე, მოსახლეობის მხრიდან არ ხდება რეგულაციების დაცვა და ამან ხელის შეუწყო ეპიდსიტუაციის მეტ-ნაკლებად გაუარესებას“, - აცხადებს ინფექციური პათოლოგიის და შიდსის ცენტრის ინფექციონისტი.
