"სპეცოპერაცია ჯერ კიდევ შორს არის დასრულებამდე, ჩვენ უნდა მივაღწიოთ კიევს“ - რამზან კადიროვი
ჩეჩნეთის ლიდერი, რამზან კადიროვი აცხადებს, რომ ისინი აპირებენ, ომის დროს ჩეჩნეთიდან უკრაინაში გაქცეული "ტერორისტები გაანადგურონ“.
"ჩვენთვის, ჩეჩნებისთვის, სპეცოპერაცია ჯერ კიდევ შორს არის დასრულებამდე. ჩვენ დიდი იმედი გვაქვს, რომ მოგვეცემა შესაძლებლობა, საჭიროების შემთხვევაში მივაღწიოთ კიევს და დავასრულოთ ჩეჩნეთის რესპუბლიკიდან გამოქცეული ტერორისტების განადგურება. ეს ვირთხები იძებნებიან. ჩვენ მათ დიდი ხანია ვეძებთ“, - წერს კადიროვი.
