"მამუკას გარდაცვალება დიდი დანაკლისია ქართული შოუბიზნესისთვის და ჩვენი ქალაქისთვის" - კახა კალაძე
დედაქალაქის მერი, კახა კალაძე მომღერალ მამუკა ონაშვილის ტრაგიკულად დაღუპვის გამო, მწუხარებას გამოთქვამს და სამძიმარს უცხადებს ოჯახს.
"დავკარგეთ ყველასთვის საყვარელი ადამიანი, ცნობილი მომღერალი მამუკა ონაშვილი. მამუკას ტრაგიკული გარდაცვალება დიდი დანაკლისია მისი მრავალრიცხოვანი აუდიტორიისთვის, ქართული შოუბიზნესისთვის, ჩვენი ქალაქისთვის. ვუსამძიმრებ მამუკა ონაშვილის ოჯახს, მის ახლობლებს, კოლეგებს, მთელ საქართველოს!“, - წერს კალაძე.
შეგახსენებთ, რომ მამუკა ონაშვილი 30 ივლისს, ნატახტართან ავტოავარიაში მოყვა. მომღერალი პირველ აგვისტოს საავადმყოფოსი გარდაიცვალა.
