თეგებით ძიება
16. 08. 2022 COVID - 19

"წამოვიდა კოვიდის ახალი ტალღა...ბათუმი არის საქართველოს "კოვიდდედაქალაქი" - გიორგი ფხაკაძე

პროფესორი, გიორგი ფხაკაძე სოციალურ ქსელში კოვირონავირუსის ახალი ტალღის შესახებ საზოგადოებას სოციალური ქსელით აფრთხილებს:

"კოვიდი არსად წასულა!
მთელ მსოფლიოში წამოვიდა კოვიდის ახალი ტალღა!
საქართველოში, სავარაუდოდ, დღეში ვკარგავთ 20 მოქალაქეს!
მსოფლიოს ზოგი ქვეყანა უკვე ემზადება ამ ახალი ტალღისთვის. ზოგმა შემოიღო სამედიცინო პირბადეების სავალდებულო ტარება, ზოგი აპირებს ახალი ვაქცინების (რომლებმაც ჯერ ბოლომდე არ გაიარეს კლინიკური კვლევები, მაგრამ კარგი პირველადი შედეგი აჩვენეს) ეგრეთ წოდებული “გაძლიერებული ბუსტერ ვაქცინების” შემოღებას სექტემბერ/ოქტომბრიდან.

საქართველო ამ დროს:
კოვიდი არ არის, არის სეზონური გრიპი/ვირუსი და ტოტალურად ყველას უდგინდება ფილტვების ანთება
პირბადეების გაყიდვა და, შესაბამისად, გამოყენება საქართველოში თითქმის 0-დე არის დასული
კოვიდვაქცინაცია ჩავარდნილია
კოვიდტესტირება პრაქტიკულად არ ტარდება
და ბოლოს, საკურორტო ადგილებში არის ჰიპერ (წარმოუდგენლად მაღალი) გავრცელება ვირუსის და ბათუმი არის საქართველოს “კოვიდდედაქალაქი” ამჟამად!
აიცერით დროზე, გამოიყენეთ კარგი პირბადეები (იყიდეთ სანამ არის გაყიდვაში), და პატივი ეცით სხვებს! გაციებული ხარ, ცუდად ხარ, 7 დღე დარჩი თვითიზოლაციაში!
გააღე ფანჯრები (არ გამოიყენო კონდიციონერი) ყველგან (ოფისებში, ტრასპორტში და სახლში)
გაუფრთხილდით ფეხმძიმეებს და 60 წელს გადაცილებულ ადამიანებს
გაუფრთხილდით ქრონიკულ პაციენტებს…", - წერს ფხაკაძე.
#drpkhakadze


თეგები


რეკომენდირებულია თქვენთვის

ყველა

აღმოაჩინეთ მეტი Tia-დან

ყველა