კოვიდ შემთხვევების რაოდენობა მცირდება, სხვა სუბიექტური შეფასებები საფუძველს მოკლებულია - თამარ გაბუნია
ჯანდაცვის მინისტრის პირველი მოადგილის, თამარ გაბუნიას თქმით, ბოლო პერიოდის განმავლობაში, ტენდენცია დადებითი და კეთილსაიმედოა, კორონავირუსის შემთხვევების რაოდენობა მცირდება.
როგორც თამარ გაბუნია განმარტავს, აღნიშნული პროგნოზი საერთაშორისო ინსტიტუციების შეფასებას ემყარება.
„ამდენად, სხვა სუბიექტური შეფასებები საფუძველს მოკლებულია და მნიშვნელოვანია, რომ ამ ტიპის შეფასებებისგან, როგორც ჯანდაცვის პროფესიონალებმა, ისე რიგითმა მოქალაქეებმა, თავი შევიკავოთ”, - აღნიშნა გაბუნიამ.
