მეტრო ახმეტელის მიმდებარე ტერიტორიის რეაბილიტაცია იწყება
თბილისის მერიის ინფორმაციით, 18 აგვისტოს, ღამის საათებში მეტროსადგურ ახმეტელის თეატრის მიმდებარე ტერიტორიის რეაბილიტაცია დაიწყება.
უწყების ცნობით, შეიცვლება დაზიანებული ფილები, მოწესრიგდება საერთო სარგებლობის კიბეები და სანიაღვრე ქსელის ცხაურები. მათივე ცნობით, ძირითადად, პროცესი გვიან ღამით, მეტროსადგურის სამუშაო საათების დასრულების შემდეგ წარიმართება.
"გარდა ამისა, უახლოეს მომავალში მეტროსადგურ ახმეტელის თეატრის მიმდებარედ, სავაჭრო ცენტრ მარიამსა და ევრაზიას შორის არსებული ტერიტორიის მოწესრიგებაც დაიწყება და გამგეობის მიერ საგზაო ინფრასტრუქტურა და სივრცე კეთილმოეწყობა. აღნიშნული პროექტის დაგეგმარება ტრანსპორტისა და ურბანული განვითარების სააგენტოს მიერ განხორციელდა. ინფრასტრუქტურული სამუშაოების დასრულების შემდეგ, სააგენტო ტერიტორიაზე მოსაცდელებს განათავსებს.
თბილისის მერია ბოდიშს გიხდით შექმნილი დისკომფორტისთვის!", - ნათქვამია განცხადებაში.
