"საქართველოს ევროკავშირისკენ მიმავალ გზაზე სიამოვნებით გაგიწევთ დახმარებას" - ოლაფ შოლცი
გერმანიის კანცლერი, ოლაფ შოლცი საქართველოს პრემიერ-მინისტრ, ირაკლი ღარიბაშვილთან შეხვედრის შემდეგ სოციალურ ქსელში პოსტს აქვეყნებს.
ოლაფ შოლცი წერს, რომ ევროკავშირისკენ მიმავალ გზაზე გერმანია სიამოვნებით გაუწევს საქართველოს დახმარებას.
"ბატონო პრემიერო, კეთილი იყოს თქვენი მობრძანება ბერლინში! ევროპულ საბჭოში ამ ზაფხულში საქართველოსთვის ევროკავშირის წევრობის პერსპექტივის გახსნაზე შევთანხმდით. მოვუწოდებ საქართველოს, ამისთვის საჭირო რეფორმებთან დაკავშირებული ნაბიჯების გადადგმისკენ. ევროკავშირისკენ მიმავალ გზაზე ჩვენ სიამოვნებით გაგიწევთ დახმარებას“, - აღნიშნავს ოლაფ შოლცი.
