გუშინაც დიდი იმედი ჰქონდა ზოგიერთ ტელევიზიას, რომ მორიგი წარმატებული ყაჩაღობა განხორციელდებოდა - კობახიძე
"ქართული ოცნების" თავმჯდომარე, ირაკლი კობახიძე ქუთაისში, "საქართველოს ბანკში" შეჭრილ შეიარაღებულ თავდამსხმის ფაქტს ეხმაურება.
"გუშინაც დიდი იმედი ჰქონდა ზოგიერთ ტელევიზიას, რომ მორიგი წარმატებული ყაჩაღობა განხორციელდებოდა, თუმცა ჩვენ გვქონდა, რა თქმა უნდა, პოლიციელების იმედი და პოლიციამ უმაღლეს დონეზე იმოქმედა და აღკვეთა ეს დანაშაული, რომელიც გუშინ იყო ჩადენილი და უფრო მძიმედ დაგეგმილი, რა თქმა უნდა, პოლიციაც გააგრძელებს მუშაობას, რომ მაქსიმალურად საზოგადოებრივი უსაფრთხოება იყოს დაცული და სტატისტიკაც მეტყველებს იმაზე, რომ ვითარება არის კონტროლ ქვეშ...დღეს შსს გამართულად მუშაობს და ეს გუშინდელი ოპერაციის მაგალითზეც გამოჩნდა", - განაცხადა კობახიძემ.
