"დამნაშავეები უნდა დაისაჯონ, სამაგალითოდ!" - თამო კეშელავა
ჟურნალისტი, თამო კეშელავა ვაკის პარკის ტრაგედიაზე წერს და საზოგადოებას კითხვებით მიმართავს:
"რატომ გადავიდა დენი წყალზე ეგ პირველი კითხვაა, მეორეა, დავუშვათ, მოხდა რაღაც და გადავიდა, რატომ იყო აუზი 12 ვოლტზე მაღალ დენთან შემხებლობაში? და მესამე - დავუშვათ, გადამყვანიც გაფუჭდა და ზოგადად ყველაფერი, დამიწებაც დაავიწყდათ?:( აბა, ეგაც იმ წამს მოიშალა?
ვერ დაკვალიფიცირდება ეს უბედურ შემთხვევად.
დამნაშავეები უნდა დაისაჯონ, სამაგალითოდ!", - წერს კეშელავა.
შეგახსენებთ, სამი ბავშვი ვაკის პარკის შადრევანში ბურთის ამოსატანად ჩავიდა. დენის დარტყმის გამო ისინი კლინიკაში სასწრაფომ გადაიყვანა, სადაც 13 წლის გოგო დაიღუპა.
