გამიხარდება თუ „ნაცმოძრაობის“ თავმჯდომარედ ლევან ხაბეიშვილს აირჩევენ, უფრო მეტად გავერთობით - კახა კალაძე
თბილისის მერმა, კახა კალაძემ განაცხადა, რომ „ნაციონალური მოძრაობის“ თავმჯდომარედ ლევან ხაბეიშვილის არჩევა გაუხარდება, რადგან აღნიშნული პარტია სწორედ ხაბეიშვილის მსგავს კანდიდატს იმსახურებს.
„მე ლევან ხაბეიშვილის კანდიდატურას ვუჭერ მხარს. „ნაციონალური მოძრაობა“ დღეს იმ მდგომარეობაშია, რომ სწორედ ლევან ხაბეიშვილს იმსახურებს პარტიის თავმჯდომარედ. ჩემი სრული მხარდაჭერა მას. ძალიან გამიხარდება, თუ ლევან ხაბეიშვილი იქნება არჩეული „ნაციონალური მოძრაობის“ თავმჯდომარედ. ცოტა უფრო მეტად გავერთობით“, - განაცხადა კახა კალაძემ.
ცნობისთვის, „ნაციონალური მოძრაობის“ წევრმა, ლევან ხაბეიშვილმა პარტიის თავმჯდომარის პოსტზე საკუთარი კანდიდატურა დააყენა.
