მისი ხმა ახლაც ყურებში მესმის, მილიონ კაცში გამოვარჩევ - რას ამბობს ბადრი ესებუას საქმის მოწმე?
ბადრი ესებუას სასამართლო სხდომაზე საქმის მთავარი მოწმე, ავთო გალდავა გამოიკითხა, რომელიც ბანკზე თავდასხმის დროს სამეგრელო-ზემო სვანეთის სამხარეო პოლიციის უფროსის თანამდებობას იკავებდა.
გალდავა თავდამსხმელმა მძევლად ნახევარი მილიონი დოლარის გადაცემის შემდეგ აიყვანა და მოგვიანებით, სამ მძევალთან ერთად ტყეში დატოვა. გალდავა არის ერთადერთი მოწმე, რომელიც ამბობს რომ ესებუა ხმით ამოიცნო.
"მისი ხმა ახლაც ყურებში მესმის და მის ხმას მილიონ კაცში გამოვარჩევ," - განაცხადა ავთანდილ გალდავამ სასამართლო პროცესზე.
