"არა, ტრამპი არ დაუჭერიათ" - რა ინფორმაციას ავრცელებს ქართველი ჟურნალისტი ამერიკიდან?

ამერიკაში მცხოვრები ქართველი ჟურნალისტი, ნანა საჯაია წერს, რომ აშშ-ის ყოფილი პრეზიდენტი, დონალდ ტრამპი არ დაუკავებიათ.

"ტრამპი სასამართლო დარბაზში შევიდა. 

რადგან ჰედლაინები დამაბნეველია, დავწერ ქართულად:

არა, ყოფილი პრეზიდენტი ტრამპი არ დაუჭერიათ; 

ახლა ხდება მისი processing - საბუთებს ავსებენ, უღებენ თითის ანაბეჭდებს; 

ამის მერე (წუთი-წუთზე), ტრამპი შევა სასამართლო დარბაზში, სადაც კამერები არ არიან, მოსამართლე მას ოფიციალურად წარუდგენს ბრალს;

მხოლოდ ამის მერე შეიძლება (თუმცა ნაკლებ სავარაუდოა), მოსამართლემ გასცეს მისი დაკავების ბრძანება.

დარბაზში მყოფ ჟურნალისტებს თან არ აქვთ ტელეფონები/ლეპტოპები. ამიტომ მოსამართლის გადაწყვეტილება არ გვეცოდინება, სანამ დარბაზს ჯერ ტრამპი და მერე ჟურნალისტები არ დატოვებენ", - წერს ჟურნალისტი.

ცნობისთვის, ცოტა ხნის წინ გავრცელდა დონალდ ტრამპის დაპატიმრების შესახებ ინფორმცია.