ისტორიაში პირველად, ქართული ფინალი დოჰაში - ბექაური და მაისურაძე ოქროსთვის იჭიდავებენ
ისტორიაში პირველად, კატარის დედაქალაქ დოჰაში მიმდინარე მსოფლიოს ჩემპიონატის მე-5 საჭიდაო დღეს, 90 კილოგრამ წონით კატეგორიაში ლუკა მაისურაძე და ლაშა ბექაური ფინალში გავიდნენ.
ლუკამ უნგრელი რომან გოზის, თურქი მიჰაელ ჟანკისა, ნიდერლანდელი ნოელ ვან ტ ენდის და იტალიელი კრისტიან პარლატი დაამარცხა.
ლაშამ პირველი წრე გამოტოვა, შემდეგ კი მიყოლებით ტაჯიკი კომრონშოკ უსტოპირიონი, სერბი ნემანია მაიდოვი, რუსი მანსურ ლორსანოვი და იაპონელი სანშირო მურაო დაამარცხა.
