რას აკეთებენ ადამიანები წარმატების მისაღწევად და როგორ ხდებიან ისინი განსხვავებულნი?

ივარჯიშეთ რეგულარულად, თუნდაც, კვირაში, სულ მცირე, 3 დღე. ვარჯიში არის ერთ-ერთი იმ აქტივობათაგანი, რომელიც ყველამ უნდა გააკეთოს. დადასტურებულია, რომ ვარჯიში ამცირებს სტრესს და შფოთვას, ზრდის პროდუქტიულობას, აძლიერებს თავდაჯერებულობას და გაგრძნობინებთ თავს უკეთესად. რა ხდება მაშინ, როცა ღელავთ პროექტის ან პრეზენტაციის გამო?

ძილი გეკარგებათ, აჭიანურებთ პროცესს და ცუდი იდეები გიჩნდებათ. როცა უკეთეს ფსიქიკურ მდგომარეობაში ხართ, დიდი ალბათობაა, რომ კარგი იდეებით საქმე უკეთესად შეასრულოთ!

შეიმუშავეთ დილის დილის რუტინა - ბევრმა წარმატებულმა ადამიანმა იცის სამუშაო დღის სწორად დაწყების მნიშვნელობა. ეს ადამიანები ივითარებენ ყოველდღიურ რუტინას. შესაძლოა, ერთ-ერთი ყველაზე მნიშვნელოვანი, რასაც წარმატებული ადამიანები აკეთებენ, ყოველდღე, ადრე ადგომაა. კვლევებმა აჩვენა, რომ ადამიანები, რომლებიც ოჯახის დანარჩენ წევრებზე ადრე დგებიან, ბევრად უფრო პროდუქტიულები არიან.

წარმატებულმა ადამიანებმა იციან მიზნებისა და ვადების მნიშვნელობა. დაისახეთ ყოველდღიური მიზნები და განსაზღვრეთ ვადები, ამგვარად, თქვენ საკუთარ თავს გამოწვევის წინაშე აყენებთ და ცდილობთ, ახალი ნაბიჯი გაბედულად გადადგათ. ყოველდღიური ვადების დადგენა აუცილებელია. ის გიბიძგებთ ანგარიშვალდებულებაში, მეტი იმუშაოთ და გეხმარებათ, რომ იყოთ კონცენტრირებული.

პროფესიული ზრდის ხელშეწყობის ერთ-ერთი მძლავრი მიდგომა საკუთარი თავის გამოწვევაა, გააკეთო ერთი რამ ყოველდღე, რაც ხელს შეუწყობს თქვენს კარიერულ წინსვლას. ეს აზროვნება გიბიძგებთ განახორციელოთ მიზანმიმართული ქმედებები, რომლებიც აფართოებს თქვენს უნარებს, აყალიბებს ურთიერთობებს და ამყარებს თქვენს ცოდნას. დროთა განმავლობაში თანმიმდევრულად გადადგმულმა მცირე ნაბიჯებმა შეიძლება მნიშვნელოვანი პროგრესი განაპირობოს.

არ შეწყვიტოთ სწავლა - წარმატებულმა ადამიანებმა იციან, რომ ყოველთვის არის რაღაც სასწავლი და ისინი ყოველთვის მზად არიან ახალი იდეებისა და ახალი გამოცდილებისთვის.

ინსპირაციული და პროფესიული ლიტერატურის კითხვა არის ერთ-ერთი იმ საკითხთაგანი, რასაც წარმატებული ადამიანები ყოველდღე აკეთებენ. ეს დაგეხმარებათ, გაიზარდოთ, როგორც პიროვნება და გახდეთ უფრო წარმატებული. წარმატებული ადამიანების ერთ-ერთი საერთო მახასიათებელია მათი ერთგულება ინსპირაციული და პროფესიული ლიტერატურის კითხვისადმი. მათ ესმით, რომ ცოდნა ძალაა. ინსპირაციული ლიტერატურა მათთვის მოტივაციის წყაროა. სხვისი გამოწვევებისა და ტრიუმფების კითხვით, მათ უვითარდებათ გამძლეობისა და შთაგონების გრძნობა, რათა გადალახონ საკუთარი დაბრკოლებები და სირთულეები.

იამაყეთ თქვენი მიღწევებით - წარმატებულ ადამიანებს ესმით თავიანთი მიღწევებით სიამაყოს მნიშვნელობა - აცნობიერებენ, რომ თავიანთი წარმატების ხაზგასმა არ არის ქედმაღლობა ან ტრაბახი, არამედ შრომისმოყვარეობის, თავდადებისა და შეუპოვრობის აღიარება, რამაც ისინი მიიყვანა ამ დონემდე.

სიამაყის გრძნობის გამომუშავებით ისინი იძლიერებენ მოტივაციას და თავდაჯერებულობას, ქმნიან მიღწევების პოზიტიურ ციკლს. უფრო მეტიც, საკუთარი სიამაყის აღქმით წარმატებული პირები შთააგონებენ სხვებსაც. ისინი ხდებიან მისაბაძი მაგალითი, აჩვენებენ სხვებს, რა არის შესაძლებელი შრომისმოყვარეობისა და მონდომების წყალობით.

წარმატებულ ადამიანებს აქვთ შესანიშნავი უნარი, რომ განეშორონ კრიტიკას და ის პირად შეურაცხყოფად არ მიიღონ. მათ ესმით, რომ უკუკავშირი, დადებითი თუ უარყოფითი, აუცილებელია ზრდისა და გაუმჯობესებისთვის. ისინი აცნობიერებენ, რომ კონსტრუქციული კრიტიკა მათთვის ღირებულ შეხედულებებს და პერსპექტივებს განაპირობებს, რაც მათ დაეხმარებათ, დახვეწონ თავიანთი უნარები კიდევ უფრო დიდი წარმატების მისაღწევად.