კავკასიონის ქედის მაღალმთიან ზონაში მოსალოდნელია ძლიერი თოვა - გარემოს ეროვნული სააგენტო
გარემოს ეროვნული სააგენტო მოსალოდნელ ამინდთან დაკავშირებთ განცხადებას ავრცელებს, სადაც აღნიშნულია, რომ 18 ოქტომბრის დღის ბოლოდან 19 ოქტომბრის დღის მეორე ნახევრამდე, კავკასიონის ქედის მაღალმთიან ზონაში მოსალოდნელია ძლიერი თოვა, ხოლო აჭარა და გურიის რეგიონებში ზოგან ძლიერი წვიმა. დროგამოშვებით გაძლიერდება დასავლეთის მიმართულების ქარი.
„მოსალოდნელმა ნალექებმა დასავლეთ საქართველოს მდინარეებზე შესაძლებელია წყლის დონეების მნიშვნელოვანი მატება, ხოლო მთიან და გორაკ-ბორცვიან ზონებში მეწყრულ-ღვარცოფული პროცესების ჩასახვა-გააქტიურება გამოიწვიოს“. - წერია სააგენტოს განცხადებაში.
