"ღამე იყო, ამ დროს ერთს მეორე მამაკაცი დათვი ჰგონებია და თავდაცვის მიზნით თოფი ესროლა" - რას ამბობენ ადგილობრივები ქარელში მომხდარ მკვლელობაზე?
ქარელის მუნიციპალიტეტის სოფელ სამწევრისში მამაკაცი მოკლეს. ინფორმაციას ამის შესახებ „მოზაიკა“ ავრცელებს.
როგორც ადგილობრივები ამბობენ, მეზობლები სათევზაოდ იყვნენ წასულები, რა დროსაც ერთ-ერთმა მათგანმა იარაღიდან ისროლა. მათი თქმით, კაცმა თავდაცვის მიზნით გაისროლა, რადგან მეორე კაცი დათვი ეგონა.
"ღამე იყო, ამ დროს ერთს მეორე მამაკაცი დათვი ჰგონებია და თავდაცვის მიზნით თოფი ესროლა", - ამბობენ ადგილობრივები.
შსს-ს ინფორმაციით, ფაქტზე დაკავებული ამავე სოფლის მცხოვრები 50 წელს გადაცილებული კაცია.
