"ბოლო დღე ასე მთავრდება, რომ მამა თავს დამესხა და მცემა, მონსტრია და ცუდი კაცია. მანდ დამთავრდა“ - გიორგი გვარჯალაძე გარდაცვლილი ქალიშვილის, ლენოს შესახებ (ვიდეო)

მუსიკოსი გიორგი გვარჯალაძე გადაცემაში „როგორ გადავრჩი“ ცხოვრების ტრაგიკულ მომენტზე, შვილის დაკარგვაზე საუბრობს. როგორც გიორგიმ აღნიშნა, მას შვილთან სხვადასხვა თემაზე უთანხმოება ჰქონდა, რამაც მამა-შვილის ურთიერთობაში გარკვეული პრობლემები წარმოშვა.

"ამ თემაზე საუბარი არაა რთული, იმიტომ, რომ მომხდარზე უწყვეტ რეჟიმში ვფიქრობ და თან რომ ვილაპარაკო, ეს ნამდვილად არ მიჭირს. შეიძლება. რაღაც მომენტში გული ამიჩუყდეს, ეს შეიძლება ძალიან ბედნიერ მომენტშიც დამემართოს.

მე არ ვფიქრობ, რომ გადავრჩი ლენოს ეპიზოდში. იქ ყველგან გადავრჩი. აქ ვეღარ, იმიტომ. რომ ფიზიკის კანონების წინააღმდეგ იყო ყველაფერი.

მანამდე ბათუმიდან ჩამოვიდნენ ლენო, ლულუ და ნინი. ამის პრეისტორია კი იყო, რომ ლულუ მეუბნებოდა, რომ არ მემორჩილება ლენო და რომ ჩამოვალთ, შენ კარგად დაელაპარაკეო. ორ პროექტს შორის ვიყავი და არ მეცალა, ლენოს „დასაკაჩავებლად“. მოკლედ, მივიღე საშინაო დავალება.

არაფერში არასდროს შემიზღუდავს. ძალიან ვმეგობრობდით, ჩემს ტანსაცმელს ვთხოვნიდი ხოლმე. რომ იტყვიან, გადაუარა, მაგრამ არ მედარდებოდა. მომწონდა, რომ ჩემს შვილს, გოგოს ჩემი ტანსაცმელი ეცვა.

მივიღე ეს საშინელი დავალება, რომელიც ცუდად შევასრულე. სახლში რომ მივედით, მარკეტში ჩავიდა, ვურეკავდი და ტელეფონი გამორთული ჰქონდა. ამოვიდა და თქვა, რომ დაუჯდა. შეეძლო მალევე ამოსულიყო, ან უბრალოდ დაეძახა, რომ ტელეფონი დასატენი აქვს.

მოკლედ, ვიკამათეთ და დავარტყი. შემეძლო, სამსახურში არ წავსულიყავი, მაგრამ წავედი. სტუდიიდან რომ დავურეკე, მითხრა სძინავსო. კი გამიკვირდა, მაგრამ დავიძინე მეც.

სამამდე დავიძინე და კარზე ბრახუნმა გამაღვიძა. რომ გავიღვიძე, ლულუსგან 36 გამოტოვებული ზარი მქონდა და მაშინვე მივხვდი, რაც მოხდა.

მოასწრო და ყველაფერი ფანჯრებზე დააწერა. „ენჯელს ქენ ფლაი“, გაგვიფერადა მისაღები ოთახი, მაგიდაზე დაალაგა ტანსაცმელი, რაც ისურვა, რომ ჩავაცვათ, დატოვა ლეპტოპი გახსნილი, სადაც ეწერა, რომ ამას 28 დღე გეგმავდა და ეს იყო 24-ე დღე. ბოლო დღე ასე მთავრდება, რომ მამა თავს დამესხა და მცემა, მონსტრია და ცუდი კაცია. მანდ დამთავრდა.

ჰოდა, ახლა რასაც გიყვებით, გადავრჩი?“, – ამბობს გიორგი გვარჯალაძე.

წყარო - marao.ge