ბაღდათის სოფლებში მეწყერს გარემოს ეროვნული სააგენტო ჯერ კიდევ 2022 წელს პროგნოზირებდა - რა დოკუმენტს აქვეყნებს "რადიო თავისუფლება"?

ბაღ­და­თის მუ­ნი­ცი­პა­ლი­ტე­ტის სოფ­ლებ­ში მე­წყრულ პრო­ცე­სებს გა­რე­მოს ეროვ­ნუ­ლი სა­ა­გენ­ტო ჯერ კი­დევ 2022 წელს პროგ­ნო­ზი­რებ­და. ამის შე­სა­ხებ გე­ო­ლო­გი­ის დე­პარ­ტა­მენ­ტის ბი­უ­ლე­ტენ­შია ნათ­ქვა­მი, რო­მე­ლიც 2023 წელს არის მომ­ზა­დე­ბუ­ლი და მო­ი­ცავს სა­ქარ­თვე­ლო­ში 2022 წლის სტი­ქი­უ­რი გე­ო­ლო­გი­უ­რი პრო­ცე­სე­ბის შე­დე­გებს და 2023 წლის პროგ­ნო­ზებს. დო­კუ­მენტს "რა­დიო თა­ვი­სუფ­ლე­ბა" ავ­რცე­ლებს.

იმ სოფლებს შორის, რომლებიც მოსალოდნელი სტიქიის ზონად არის მონიშნული, დასახელებულია სოფელი ნერგეეთიც, სადაც 7 თებერვალს სტიქიამ 4 ადამიანის სიცოცხლე იმსხვერპლა - 5 დაკარგულს მაშველები ამ დრომდე ეძებენ.

დოკუმენტში ნათქვამია, რომ მეწყრული პროცესების გააქტიურება მოსალოდნელია შემდეგ სოფლებში: ობჩა, დიმი, წილეთხევი, ფერსათი, ნერგეეთი, შუბანი და ზეგანი. ამავე დოკუმენტის თანახმად, ასევე მოსალოდნელია ქვათაცვენის და ნაპირგარეცხვითი პროცესების წარმოქმნა-გააქტიურება ბაღდათი-ზეკარის მშენებარე საავტომობილო გზის, მდ. ხანისწყლის და მისი შენაკადების ხეობებში გამავალი საავტომობილო გზების გასწვრივ. ნერგეეთში მეწყერი სწორედ მდინარე ხანისწყლის ნაპირზე მდებარე სახლების თავზე ჩამოწვა. მიწის მასის ქვეშ არის მოყოლილი 4 სახლი.

გარემოს ეროვნული სააგენტოს დოკუმენტში გაცემულია რეკომენდაცია სოფელ მეორე ობჩიდან მოსახლეობის გაყვანაზე. სოფელ ზეგანში სააგენტო საჭიროდ მიიჩნევდა ფერდობსამაგრი კედლის მოწყობას, სოფელ წითელხევში კი მეწყრული ტბების განტვირთვას და ზედაპირული წლების რეგულირებას.

დოკუმენტში, რომელიც საჯაროდ არ არის განთავსებული სააგენტოს ვებსაიტზე, ნათქვამია, რომ "კატასტროფების რისკის შემცირების პრაქტიკა უნდა იყოს ეფექტური, მრავალ საფრთხეზე გათვლილი, ინტეგრირებული, ხელმისაწვდომი და ფართო მასებზე ორიენტირებული." აქვე ნათქვამია, რომ მნიშვნელოვანია გეოლოგიური საფრთხეების წინასწარ იდენტიფიცირება და მუშაობის გაძლიერება საფრთხეების გაანალიზებაზე.

ვრცლად იხილეთ: „რადიო თავისუფლება“