აძვთან ოკუპანტები გააქტიურდნენ, ერთ-ერთ საგუშაგოსთან საცეცხლე წერტილი მოაწყვეს - დავით ქაცარავა
გორის მუნიციპალიტეტის სოფელ აძვის მიმდებარედ ოკუპანტები გააქტიურდნენ. ანტისაოკუპაციო მოძრაობა "ძალა ერთობაშიას" დამფუძნებელი, დავით ქაცარავა ამბობს, რომ მათ ერთ-ერთი საგუშაგოს გვერდით საცეცხლე წერტილი მოაწყვეს.
"ეს არის საგუშაგო, რომელიც საკმაოდ დიდი ხანია იქ აღმართულია, მაგრამ ისინი სამუშაოები, რომელზეც ჩვენ ვსაუბრობთ, ეს არის საგუშაგოს გვერდზე საცეცხლე წერტილის მოწყობა, მიწისქვეშა ბლინდაჟის მოწყობაზეა საუბარი. ეს სამუშაოები უნდა განვიხილოთ იმ საერთო სურათში, რაზეც ჩვენ ვსაუბრობთ და იმ სამუშაოების ჭრილში, რომელიც ხორციელდება 2023 წლის მარტიდან და ეს სამუშაოები ხორციელდება არაერთ მიმართულებაზე," - ამბობს ქაცარავა.
