"ხმაურმა გაგვაღვიძა, ჩამოლეწილი იყო ფანჯრები... შუშები ეყარათ ბავშვებს" - რას ამბობენ ადგილობრივები სამტრედიის ქუჩაზე მომხდარი აფეთქების შესახებ? (ვიდეო)
სამტრედიის ქუჩაზე ამ წუთებში ექსპერტები მუშაობენ და 9 სართულიანი საცხოვრებელი კორპუსის მდგრადობას ამოწმებენ. შენობაში, სადაც 93 ოჯახი ცხოვრობს, ძლიერი აფეთქება ღამის დაახლოებით 3 საათზე მოხდა, რაც სავარაუდოდ ბუნებრივი აირის გაჟონვას მოყვა.
აფეთქების კერა კი პირველ სართულზე განთავსებული კომერციული ფართი აღმოჩნდა. კორპუსში მაცხოვრებლები ამ ეტაპზე შენობიდან გამოყვანილები არიან. შუშები ჩაიმსხვრა გვერდით მდებარე კორპუსებშიც.