"თინას შეუძლია ახსენოს, მხოლოდ მიხეილ სააკაშვილი, რომელიც ზვიადს კავკასიის ხუსეინად იხსენიებდა" - გიორგი გამსახურდია
უპრიანი იქნებოდა, ეს ხალხი თუ საერთოდ არ ახსენებდა ზვიადის სახელს - საქართველოს პირველი პრეზიდენტის ზვიად გამსახურდიას ვაჟი გიორგი გამსახურდია სოციალურ ქსელში პარლამენტში დეპუტატ თინათინ ბოკუჩავას გამოსვლის ვიდეოს აზიარებს. ვიდეოში ბოკუჩავა "ქართულ ოცნებას“ მიმართავს და ამბობს, "თქვენ ღალატობთ საქართველოს დროშას, ევროკავშირის დროშას, ჩვენს წინაპრებს, ილიას, ვაჟას, აკაკის, ზვიად გამსახურდიას და მერაბ კოსტავას...“
"ნაცმოძი" და მათი სატელიტები, წარმოადგენენ ავტომატიანი პუტჩისტების ხელისუფლების პოლიტიკურ მემკვიდრეობას. დევი ჭანკოტაძემ, აკია ბარბაქაძემ, ვინმე გოგავამ, ჟორიკა რურუამ და სხვებმა, ამიერკავკასიის ოლქის რუსი სამხედროების მონაწილეობით, მოსკოვის დაკვეთით სისხლის კალო დაატრიალეს რუსთაველზე.
შემდეგში ედუარდ ბალტინის რუსულ ფლოტთან ერთად, მონაწილეობა მიიღეს, დასავლეთ საქართველოს რუსულ ოკუპაციაში. ამათი პოლიტიკური თანამეინახე, ახალგაზრდა გოგო, რომელიც სამწუხაროდ მსგავსი სიცრუით სულ გამოირჩევა, ზვიად გამსახურდიას სახელის ღალატში ადანაშაულებს იმ პოლიტიკურ გუნდს, რომელიც ზუსტად ზვიადის არჩეულ პროქართულ და პროევროპულ გზას მიყვება. უპრიანი იქნებოდა, ეს ხალხი თუ საერთოდ არ ახსენებდა ზვიადის სახელს.
თინას შეუძლია ახსენოს, მხოლოდ მიხეილ სააკაშვილი, რომელიც ზვიადს კავკასიის ხუსეინად იხსენიებდა. კიდევ სხვა მიზეზები აქვს თინას, მიშას ხსენების და გულწრფელად ვურჩევდი მაგ გზით წავიდეს." - აცხადებს გამსახურდია წერს სოციაურ ქსელში გიორგი გამსახურდია.
