სტამბოლში საცხოვრებელი სახლის ჩამონგრევას მსხვერპლი მოჰყვა
თურქეთის ქალაქ სტამბოლის ცენტრში ოთხ სართულიანი საცხოვრებელი სახლი ჩამოინგრა. მედიაში გავრცელებული ინფორმაციით, უბედურ შემთხვევას ერთი ადამიანი ემსხვერპლა. მაშველებმა ნანგრევებიდან 8 ადამიანი გამოიყვანეს, რომელთაგან ერთი მძიმედ არის დაშავებული.
ინციდენტის მიზეზი, სავარაუდოდ, უკანონო დაშენება გახდა.
