აგვისტოს თვე ორმაგად მტკივნეულია ჩვენთვის, მაგრამ გვწამს და გვჯერა, აუცილებლად დავბრუნდებით აფხაზეთშიც და ცხინვალის რეგიონშიც - მეუფე ანდრია
გორში, დაღუპულ მეომართა მემორიალთან, გორისა და ატენის მიტროპოლიტმა, მეუფე ანდრიამ აგვისტოს ომში დაღუპულთა სულების მოსახსენიებელი პანაშვიდი გადაიხადა.
"აგვისტოს თვე მარტო არ არის დაკავშირებული 2008 წელს განვითარებულ ომთან, არამედ აგვისტოში დაიწყო ომი აფხაზეთში. ასე, რომ ორმაგად მტკივნეულია, ეს თვე ჩვენთვის, მაგრამ გვწამს და გვჯერა, რომ ჩვენ აუცილებლად დავბრუნდებით აფხაზეთშიც, ცხინვალის რეგიონშიც. ვიზეიმებთ საქართველოს გამთლიანებას იმ ადამიანებთან ერთად, ვისაც მშვიდობიანი ცხოვრება სურს“, - განაცხადა მეუფე ანდრიამ.
