მსახიობ მეთიუ პერის გარდაცვალებასთან კავშირში მყოფი 5 პირი დააკავეს
სამმა ბრალდებულმა, მათ შორის მეთიუ პერის თანაშემწემ, დანაშაული უკვე აღიარა. პოლიციის ინფორმაციით, ბრალდებულებმა ისარგებლეს ნარკოტიკებზე პერის დამოკიდებულებით და, ფინანსური სარგებლის მიზნით, ისინი მსახიობს ნარკოტიკული საშუალებებით უზრუნველყოფდნენ.
მეთიუ პერი 2023 წლის ოქტომბერში, 54 წლის ასაკში გარდაიცვალა. მის სისხლში ნარკოტიკული საშუალებების მაღალი კონცენტრაცია დაფიქსირდა. სწორედ ეს გახდა გარდაცვალების მიზეზი.
მსახიობი ცნობილი იყო ამერიკული საკულტო სითკომში "მეგობრები" (1994-2004) მონაწილეობით.
