რა უნდა შეცვალოთ აზროვნებასა და ქცევებში, რომ კოსმოსის დასჯა აიცილოთ თავიდან - რჩევები ზოდიაქოს ნიშნებს

ცხოვრებაში ნებისმიერ ჩვენგანს მოსდის გარკვეულ შეცდომები, რომლებიც ხშირად ჩვენი ზოდიაქოს ნიშნიდან გამომდინარეობს.

თუმცა, სამყარო ბუმერანგის პრინციპით იმართება და არ არის გამორიცხული, ჩვენ მიერ ჩადენილი ცუდი საქციელი კოსმოსიდან უკან დაგვიბრუნდეს.

ვერძი – ყოველთვის უკან უბრუნდება უტაქტობა და უხეშობა, რომელსაც ის სხვების მიმართ დაუფიქრებლად ავლენს. ეს მის ზოდიაქოს ნიშანს ახასიათებს, თუმცა, ამ თვისებების მართვა შესაძლებელია, მით უმეტეს, როცა იცით, რომ მას კოსმოსი ცუდად შემოგიტრიალებთ.

კურო – მიაჩნია, რომ საუკეთესო მეორე ნახევარია, ამიტომ არ უფრთხილდება ურთიერთობას და არ ცდილობს მის გამყარებას. შესაბამისად, ხშირად სტკივა გული სიყვარულის გამო და ზოგ შემთხვევაში, მიტოვებულის პოზიციაშიც რჩება.

ტყუპები – იშვიათად აფასებენ ვინმეს ზრუნვას, ამიტომ მათ უმეტესობას ცხოვრების მარტოობაში გატარება უწევს. ასევე, ხშირად იციან სიტყვების გაუაზრებლად წამოსროლა, რაც არაერთი გულისტკენის და კონფლიქტის მიზეზი ხდება. მას კოსმოსი როგორც დასჯას, ისე უბრუნებს.

კირჩხიბი – უყვარს მანიპულირება და შემოვლითი გზით სხვების მართვა, რომელიც უმადურობის სახით მათვე უბრუნდებათ. ასევე, უყვართ საყვარელი ადამიანის მიტოვება მიზეზების ახსნის გარეშე და სამყარო ამასაც ხშირად უკან უბრუნებს, რის გამოც პირად ურთიერთობებში გაურკვეველ სიტუაციებში ხვდებიან.

ლომი – ეგოიზმი გამჯდარი აქვს და მხოლოდ საკუთარ თავზე ფიქრობს. ამიტომ, კოსმოსის მხრიდან, არაკეთილსინდისიერი, მლიქვნელი და ფარისეველი მეგობრებით ისჯება. რაც ხშირად გაღიზიანების, დეპრესიისა და კონფლიქტებში ჩართვის მიზეზი ხდება.

ქალწული – მუდმივად ელანდება, რომ ადამიანები მასზე ცუდს ლაპარაკობენ. ყოველთვის პესიმისტურადაა განწყობილი და რეალობაშიც იმავეს იზიდავს, რითიც გონება აქვს გადატვირთული. უმჯობესია, ოპტიმისტურად განეწყოთ და სამყაროც დაგაჯილდოვებთ.

სასწორი – იშვიათად ცხოვრობს გეგმაზომიერად, ამიტომ მის ცხოვრებაში ხშირია ფინანსური პრობლემები. თუ დაგეგმავთ ნებისმიერ ქმედებას, საქმეს თუ ურთიერთობას, მაშინ, ყველა პრობლემა და ბარიერი ადვილად გადასალახი გახდება და ამაში კოსმოსური ძალები და ვარსკვლავების კეთილგანწყობაც დაგეხმარებათ.

მორიელი – ხშირად ისჯება იმის გამო, რომ მანიპულირებს იმ ადამიანების გრძნობებით, ვისაც იგი ნამდვილად უყვარს. ამის გამო მათ სასიყვარულო-ინტიმურ სფეროში უფრო ხშირად მოღალატეები ხვდებიან და განცდილით იტანჯებიან.

მშვილდოსანი – ეგოცენტრიკი და მორალისტი მშვილდოსანი, ხშირად აკრიტიკებს სხვას იმისთვის, რასაც თვითონ სჩადის. ამის გამო, მართლია, წვრილმანით, მაგრამ მაინც ისჯება. ძირითადად კი, ეს საოჯახო და საყოფაცხოვრებო პრობლემებს ეხება.

თხის რქა – გადამეტებული სერიოზულობისა და სნობიზმის გამო თხის რქა არაერთგზის ვარდება, გამოუვალ სიტუაციაში. მისი გადაკრული საუბარი, ხშირ შემთხვევაში თანამოსაურის დაბნევას იწვევს და მისგან არაადეკვატური „თავდასხმის“ ობიექტი ხდება.

მერწყული – მერწყულს სხვების მართვა უყვარს, ოღონდ შეფარვით და დიპლომატიურად. თუმცა, ამის გამო იგი ხშირად ისჯება ღალატით, მეგობრების, კოლეგებისა და საქმიანი პარტნიორების მხრიდან.

თევზები – თევზები თვითონვე სჯიან საკუთარ თავს, იმით, რომ ილუზიებში ცხოვრობენ და ეშინიათ, თვალი გაუსწორონ ცხოვრებას. ამის გამო გარშემო მყოფები მათ არასერიოზულად აღიქვამენ და ხშირად გარიყული ადამიანის პოზიციაში ხვდებიან.




წყარო:newposts.ge