ევროპაში კოვიდინფექციით სიკვდილიანობის მაჩვენებელი ბოლო ერთ კვირაში 40%-ით გაიზარდა - ჯანმო
ევროპაში კოვიდინფექციით სიკვდილიანობის მაჩვენებელი ბოლო ერთ კვირაში 40%-ით გაიზარდა, ინფიცირების ყველაზე მეტი შემთხვევა კი საფრანგეთში, ესპანეთში, ბრიტანეთში, ნიდერლანდებსა და რუსეთშია - ამის შესახებ ჯანდაცვის მსოფლიო ორგანიზაციის პრესსპიკერმა მარგარეტ ჰარისმა განაცხადა. მისი თქმით, ინფიცირების მაჩვენებელი წინა კვირასთან შედარებით, მესამედით არის გაზრდილი:
„სამწუხარო ის არის, რომ რეანიმაციულ განყოფილებებში ბევრი მძიმედ ავადმყოფი ადამიანი ხვდება და ბევრ ქვეყანაში საავადმყოფოები ძალიან მალე ივსება პაციენტებით,“- აღნიშნა ჰარისმა.
როგორც ჯანმოში აცხადებენ, მალე სიკვდილიანობის მაჩვენებელი დასტაბილურდება, რადგან მედიკოსებმა გარკვეული გამოცდილება მიიღეს და ახლა უკეთ ერკვევიან, თუ როგორ უნდა აკონტროლონ სიტუაცია.
წყარო:newposts.ge
