კორონასტატისტიკა საქართველოში - 521 ინფიცირებულის მდგომარეობა მძიმეა, აქედან 120 – მართვით სუნთქვაზე იმყოფება
კორონავირუსის 18 776 აქტიური შემთხვევიდან 521 პაციენტის მდგომარეობა მძიმეა, მათგან 267 თბილისში მკურნალობს, 73 – აჭარაში. საკოორდინაციო საბჭოსთან არსებული საოპერაციო შტაბის უფროსის მოადგილე, ბერდია სიჭინავა ამბობს, რომ ხელოვნური სუნთქვის აპარატზე 120 პაციენტი იმყოფება, 67 – თბილისში, 23 – აჭარაში.
დღეს საქართველოში კორონავირუსით ინფიცირების 1 731 ახალი შემთხვევა დადასტურდა. გარდაიცვალა 15 ადამიანი. სულ, ქვეყანაში კორონავირუსის 33 858 შემთხვევაა დადასტურებული, მათგან 14 829 პაციენტი გამოჯანმრთელდა, 253 კი გარდაიცვალა.
წყარო:newposts.ge
