TIA.GE - ინტერნეტ ტელევიზია
მგონია, რომ ოპოზიცია იმოქმედებს გონივრულად და შევლენ პარლამენტში - კახა კალაძე
  • მგონია, რომ ოპოზიცია იმოქმედებს გონივრულად და შევლენ პარლამენტში - კახა კალაძე

    კახა კალაძე მიიჩნევს, რომ ოპოზიციაში არიან ადამიანები, რომლებიც სახელმწიფოებრივად აზროვნებენ და პარლამენტში შევლენ. კალაძის განცხადებით, ხალხმა მათ ხმა იმისთვის მისცა, რომ პარლამენტში შევიდნენ.


    „იმედი მაქვს, რომ გარკვეული შეთანხმებები იქნება, ოპოზიცია შევა პარლამენტში და იქიდან გააგრძელებენ მუშაობას. ჩვენი ქვეყნის მოსახლეობის გარკვეულმა ნაწილმა მიიღო გადაწყვეტილება და ამ პოლიტიკურ პარტიებს მისცა ხმა იმისთვის, რომ მათ იმუშაონ პარლამენტიდან.

    ძალიან დიდი უპასუხისმგებლობა მგონია ქუჩაში დგომა მათი მხრიდან და არდაფასება თავიანთი ამომრჩევლების და ძალიან დიდი იმედი მაქვს, რომ ოპოზიციაშიც არიან ადამიანები, ვინც სახელმწიფოებრივად აზროვნებს, ყველაზე შეუძლებელია ამის თქმა, თუმცა, არის კონკრეტული ადამიანები. არ არის საჭირო ჩამოთვლა, საზოგადოება ყველაფერს მიხვდება,“- განაცხადა კახა კალაძემ.
    59 ნახვა
    საზოგადოება